2014-03-23 23:19

ჩეჩნეთის ლიდერი რამზან კადიროვი "ინსტაგრამში" წერს, რომ "მემარჯვენე სექტორის" ლიდერს ვლადიმირ იაროშს, რომელიც რუსეთს აფეთქებით ემუქრება, მოკლავენ. 

"ჩვენი დახმარებით დოკუ უმაროვი გაემგზავრა იქ, საიდანაც ჯერ არავინ დაბრუნებულა. ბილეთს მაგ მიმართულებით იაროშსაც გამოვუწერთ", - წერს კადიროვი და ამატებს, რომ მას მოკლავენ. 

შეგახსენებთ, უკრაინაში, ყირიმის "მემარჯვენე სექტორის" ლიდერმა ვლადიმირ იაროშმა არაერთხელ განაცხადა, რომ ააფეთქებს ნავთობ და გაზსადენებს იმ შემთხვევაში, თუ რუსეთი ყირიმის ოკუპაციაზე ხელს არ აიღებს.