2014-03-21 17:22

რამდენიმე წუთის წინ პროკურატურაში დაკითხვაზე შევიდა ზურაბ ჟვანიას დაცვის წევრი დავით დაღელაშვილი.

დაღელაშვილი ზურაბ ჟვანიას საქმეზე დასაკითხად  დღეს დაიბარეს.

ზურაბ ჟვანიას დაცვის ყოფილი წევრი ადასტურებს, რომ ის ჟვანიას გარდაცვალების დღეს იმყოფებოდა ცვლაში.

როგორც დაღელაშვილი ამბობს, მას ჟვანიას საქმეზე ერთხელ უკვე აქვს ჩვენება მიცემული.

დავით დაღელაშვილი ჩუღურეთის რაიონის გამგებელი და საპარლამენტო უმცირესობის წევრის ირმა ნადირაშვილის მეუღლეა. 

"იმედი მაქვს, ეს დაკითხვა ჩემი და ჩემი ოჯახის წევრების პოლიტიკურ საქმიანობას არ უკავშირდება", - თქვა დავით დაღელაშვილმა პროკურატურაში შესვლამდე.