2014-03-20 17:19

საქართველოს მესამე პრეზიდენტი მიხეილ სააკაშვილი, სოციალურ ქსელში გარდაცვლილი ზურაბ ჟვანიას ფოტოების გავრცელებას გამოეხმაურა.

სააკაშვილის განცხადებით, ყველაფერი გარკვეულია და მსგავსი ქმედებები მხოლოდ ხელისუფლების ,,ბოღმიანი გეგმის“ განხორციელებას ემსახურება:

„ეს ფოტოები სოციალურ ქსელში კი არ გავრცელდა, მთავრობამ გაავრცელა. ყველაფერი გამოძიებულია, მათ შორის უცხოეთში. მე არ ვმონაწილეობ იმ ინტრიგებში, რომელსაც ბინძური სარჩული აქვს. ყველამ კარგად იცის ყველაფერი. საერთაშორისო არენაზეც მათ შორის.

რეალურად, ყველაფერი ისედაც გარკვეულია. ვიმეორებ და ვამბობ, ნუთუ არ გვესმის რა რელობა და რისკებია დღეს და ჩვენ ეს მდგომარეობა გვინდა გამოვიყენოთ, რომ ბოღმიანი გეგმები განვახორციელოთ?

ესაა ამოცანა დღეს? საქართველო მრავალჯერ მოხვდა უცხოელი დამპყრობელის ქვეშ, ასეთი ბოღმის გამო. რამდენჯერ ვერ უნდა დავდგეთ პირადი ბოღმის ზემოთ და არ ვიფიქროთ საქართველოზე?“ - განაცხადა სააკაშვილმა.