2020-04-14 18:08

გიორგი გახარია აცხადებს, რომ საქართველოში სასურსათო მომარაგების პრობლემა ამ ეტაპზე არ არის და არც მომავალში იქნება. მისივე თქმით, მთავრობისა და ეკონომიკის მთავარი გამოწვევა ის არის, თუ რამდენად ექნებათ მოქალაქეებს ფინანსური ხელმისაწვდომობის საშუალება.

„მიუხედავად იმისა, რომ ბევრი ინფორმაცია დადის, რომ ევრაზიულმა კავშირმა ექსპორტი აკრძალა და ა.შ. სასურსათო მარაგებზე, განსაკუთებით იმ 9 საბაზისო სასურსათო პროდუქტზე, რომლის ჩამონათვალიც არსებობს, არანაირი რისკები ქვეყანაში არ არსებობს და მეტსაც გეტყვით, არ იარსებებს. ქვეყანაში სასურსათო მომარაგების პრობლემა არ იქნება. ჩვენ, მთავრობამ ყველაფერი უნდა გავაკეთოთ იმისთვის, რომ ჩვენს მოქალაქეებს ჰქონდეთ იმის საშუალება, რომ არ ჰქონდეთ ფინანსური შეზღუდვა, რომ ეს შეიძინონ, ეს იქნება მთავარი გამოწვევა ეკონომიკის და ჩვენი, თორემ, პროდუქტი იქნება საკმარისზე მეტი“, - განაცხადა გახარიამ.