2020-04-11 12:24

ბოჭორიშვილის სახელობის კლინიკაში კორონავირუსისგან გამოჯანმრთელების 2 ფაქტი დაფიქსირდა. როგორც ჟურნალისტებს კლინიკის სამეთვალყურეო საბჭოს თავმჯდომარემ, მაკა სოლოღაშვილმა განაცხადა, მათ შორის ერთი მცირეწლოვანი ბავშვია.

„17 პაციენტიდან ორი გამოჯანმრთელებულია და ეს არის ძალიან კარგი ამბავი. გამოჯანმრთელებული პაციენტებიდან ერთი არის ორი წლის ბავშვი. რაც შეეხება COVID-ინფიცირებულებს, ზოგადად მდგომარეობა დამაკმაყოფილებელია, ერთი პაციენტი რჩება ორმხრივი პნევმონიით, შედარებით საყურადღებო სტატუსით. ასევე, ერთი ბავშვი დაგვემატა, მაგრამ ეს ჩვენთან არ დადასტურებულა, გადმოყვანილია. არის სვანეთის კლასტერიდან, ხუთი წლის ბავშვი გამოხატული პნევმონიით“, - განაცხადა სოლოღაშვილმა.