2020-04-08 16:52

კორონავირუსით ინფიცირებულ დედას ჩვილის ძუძუთი გამოკვება არ ეკრძალება-ამის შესახებ მეანგინეკოლოგმა დავით გაგუამ „მაესტორს “ეთერში განაცხადა.

„კორონავირუსზე ძალიან მწირია მტკიცებულებები, ამიტომ გვიჭირს იმის თქმა, რომ კორონავირუსი ორსულებზე უფრო მეტად მოქმედებს თუ არა. ვირუსი არ არის აღმოჩენილი არც სანაყოფე წყლებში, არც დედის რძეში და შესაბამისად ვარაუდი, რომ დედიდან კორონავირუსი ნაყოფზე გადაეცემა დამტკიცებული არ არის“, - აღნიშნა მეანგინეკოლოგმა.

მისივე თქმთ, კორონავირუსით ინფიცირებულ დედას ჩვილის ძუძუთი გამოკვება არ ეკრძალება.

„ძუძუთი კვება არ იზღუდება, ის მიღებული და დაშვებულია, მაგრამ აუცილებლად უნდა იყოს დაცული ყველა ჰიგიენური წესები: ხშრად ხელების დაბანა, პირბადე“, - აღნიშნა დავით გაგუამ.