2020-04-07 12:42

თბილისის პირველი საუნივერსიტეტო კლინიკის დირექტორისა ლევან რატიანის განცხადებით, მათ კლინიკაში მოთავსებული ორი ორსულის ქალის მდგომარეობა დამაკმაყოფილებელია.

„რაც შეეხება ორსულებს, მინდა, გითხრათ, რომ მათი მდგომარეობა ყველაზე კარგია. როგორც ქალბატონების, ისე ნაყოფის შეესაბამება ფიზილოგიურ პარამეტრებს. ბოლო რამდენიმე დღეა, არანაირი გართულება ამ ქალბატონებთან არ გამოვლენილა და იმედია, არც გამოვლინდება და როდესაც დადგება მომენტი ჯანმოს პროტოკოლის მიხედვით, რომ უნდა ავუღოთ ნაცხი, ავუღებთ ნაცხს და უარყოფითი შედეგის შემთხვევაში, გაეწერებიან ბინაზე“ ,- განაცხადა რატიანმა.

საქართველოში კორონავირუსი 195 ადამიანს დაუდასტურდა.