2020-04-06 13:43

საგანგებო მდგომარეობის პერიოდში რადიო "აფხაზეთის ხმამ" გადაწყვიტა დახმარებოდა იმ ოჯახებს, რომლებსაც საკვები და თანადგომა ახლა ყველაზე მეტად სჭირდებათ. 

სიკეთის გაკეთებას მარტო ვერ შევძლებდით,ამიტომ დავუკავშირდით ჩვენს მეგობარ კომპანიებს,რომლებიც დაუფიქრებლად დაგვთანხმდნენ გაგვეხარებინა ის ხუთი ოჯახი, რომელსაც ჩვენი სტუმრობა განსაკუთრებით გაახალისებდა:ქართული ვაშლის ჩიფსი ენკენი, კულა, შპს ლიგა პლიუსი,კომპანია "სნუპის "პროდუქცია და კომპანია "სუპრემოს" პროდუქცია,  საცხობი და საშაურმე შაურმანი, ქართული ყავა ჩერი.ესენი არიან ის კომპანიები,რომლებიც რადიო "აფხაზეთის ხმას" იდეის განხორციელებაში თავინთი პროდუქციით დაეხმარნენ.

სიკეთე მთავარი მოტივაციაა და მართალია, მის გაკეთებას მიზეზი არ სჭირდება, დღევანდელი მდგომარეობიდნ გამომდინარე ბევრს გვაქვს მიზეზი დავეხმაროთ ადამიანებს, რომლებსაც პანდემიამ და საგანგებო მდგომარეობამ საკვების შეძენის პრობლემა შეუქმნა.

საქართველოში კი 21 მარტს დაიხურა თითქმის ყველა ობიექტი და სამწუხაროდ,გაიზარდა იმ ადამიანების რიცხვი, რომლებმაც ერთადერთი შემოსავლის წყარო დაკარგეს. არიან ოჯახები ,რომლებსაც დღეს იმაზე მეტად უჭირთ საკვების შეძენა, ვიდრე აქამდე..მდგომარეობა,რომელიც მსოფლიოშია შექმნილი დახმარების საჭიროების მქონე ადამიანებს დიდ პრობლემებს უქმნის.

შეგახსენებთ,რომ ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.