2020-02-20 17:10

მსახიობი და მწერალი გივი სიხარულიძე რადიო „აფხაზეთის ხმას“ სტუმრობდა. ჩვენთან საუბრისას გაგვიმხილა,

რომ მისი ახალი წიგნი, რომელზეც დიდი ხნის განმავლობაში მუშაობდა, სულ მალე გამოვა. აღმოჩნდა, რომ

ამავე წიგნის მიხედვით სცენარსაც წერს და ფილმის გადაღებასაც გეგმავს.  

„ახალ სცენარზე ვმუშაობ, „სიყვარულის ქალაქი“ ჰქვია. ეს იმ წიგნის სახელწოდებაა , რომელიც მალე

გამოვა.

 ეს იქნება ახალგაზრდებისთვის გულშიჩამწვდომი წიგნი - წარსულში მოგზაურობა. ესაა ჩემი და

ჩემი თბილისელი ბიჭების თაობის ცხოვრება. ამ წიგნს ორი სათაური აქვს „სიყვარულის ქალაქი“ და „სევდიანი

გასეირნება სასაფლაოზე“ .რაღა დაგიმალოთ და ამავე წიგნის სცენარის მიხედვით ფილმის გადაღებასაც ვფიქრობ:

ჩემი შვილი რამდენიმე ფილმის რეჟისორია,  მაგალითად მისმა ფილმმა „ბაბუს  მევალემ“ რვა საერთაშორისო

კინოფესტივალი მოიგო ამერიკის შეერთებულ შტატებში, ახალი ნამუშევარიც აქვს ;“სიცოცხლიდან-სიცოცხლემდე“

-მას სხვადასხვა ფესტივალებზე გააგზავნის. თუ ჩემი  სცენარი მოეწონება თავად გადაიღებს, თუ არადა,

მაშინ სხვა რეჟისორებს  მივაწვდი. „

1972 წლიდან გივი სიხარულიძე მონაწილეობდა არაერთ წარმატებულ ფილმში, თუმცა როგორც თავად

ამბობს, ახსენდება ორი პერსონაჟი, რომელიც მაყურებელს განსაკუთრებულად დაამახსოვრდა.

„პირველი, ალბათ, „უძინართა მზე“ და მეორე,წლების შემდეგ ნათამაშები როლია ტელესერიალში“ცხელი

ძაღლი“- ზაზა ურუშაძის რეჟისორობით, თუმცა ყველა როლი ჩემთვის განსაკუთრებული იყო“

გივი სიხარულიძეს  ექვსი შვილიშვილი და ორი შვილთაშვილი ჰყავს . ამბობს, რომ ყურადღებიანი ბაბუაა

და მათ ძალიან ანებივრებს:“ახლა უკვე ეგენი არიან ჩემი ცხოვრება , მე მაგათთვის  ვცხოვრობ „ერთი რამე

მიყვარდა მთელი ჩემი ცხობრება-ეს იყო ქალი, ახლაც მიყვარს და ვგიჟდები შვილებზე და შვილიშვილებზე“

ცოტა ხნის წინ "თბილისის სახელმწიფო საკონცერტო დარბაზის" წინ დღეს გივი სიხარულიძის ვარსკვლავი

გაიხსნა. რამდენიმე წლის წინ კი ,70 წლის იუბილეზე, მას მიენიჭა რაინდის წოდება ქორეოგრაფიაში

გაწეული ღვაწლისათვის.