“მხოლოდ ქართულის” მესამე სეზონის ფინალისტი, მომღერალი გიორგი ძოწენიძემ სოციალურ ქსელში
სტატუსი დაწერა და მიღებულ პრიზზე ისაურა.
მას ფინალში ერთ-ერთმა კომპანიამ ლეგენდარული მომღერლის სტივი ვანდერის კონცერტზე დასასწრები ბილეთი გადასცა, თუმცა როგორც აღმოჩნდა, ასეთი კონცერტი არ არსებობს.
გიორგი ძოწენიძე:
“მინდა ერთი მოკლე სამწუხარო ინფორმაცია მოგაწოდოთ.
ვანდერის კონცერტი, რომელიც გადმომცა ავერსმა, იყო ჩემთვის საოცნებო საჩუქარი. ჩემი ემოციაც ამაზე მეტყველებდა და წარმოსადგენადაც ადვილია, როცა ოცნება გისრულდება, როგორი სიხარული გაქვს…
მაგრამ, დაუდევრობის.. შეცდომის… ან რავიცი რის გამო (მოტყუება მაინც არ მინდა ვთქვა) ეს კონცერტი დანიაში, როგორც ჩანს, არ არსებობს.
არის ვანდერისადმი მიძღვნილი კონცერტი, სადაც 4 დანიელი მუსიკოსი უკრავს და სტივი ვანდერს შეხებაც არ აქვს ამ კონცერტთან. ალბათ არც იცის რო ტარდება…
ჰო და ამიტომ, ვალდებული ვარ ყველას გითხრათ სიმართლე, რადგან ვიცი ჩემთან ერთად თქვენც ძალიან გაგიხარდათ ჩემი ოცნების ასრულება. ამიტომაც ვალდებული ვარ და მინდა იცოდეთ ყველამ, რომ ასეთი კონცერტი არ არსებობს და სულ ტყუილად გვიხაროდა…
კიდევ ერთხელ დიდი მადლობა გვერდში დგომისთვის…-წერს მომღერალი
