„ჩემი ოჯახი არის განუწყვეტელი თვალთვალის, ზემოქმედების და საფრთხის წინაშე ამ ხელისუფლების მიერ“ - ნიკა გვარამია "მთავარი არხის" დამფუძნებლის განცხადებით, მის მეუღლეს 28 დღის განმავლობაში უთვალთვალებდნენ.
“მიმაჩნია, რომ ჩვენთვის ამ ქვეყანაში ცხოვრება არის შეუძლებელი. ვღელავ იმის გამო, რომ ჩემი შვილები ნახავენ ამას და მიიღებენ სერიოზულ ფსიქოლოგიურ ტრამვას. აქ მე გელაპარაკებით არა როგორც ნიკას მეუღლე და არა როგორც ობიექტი ლაბაძე, არამედ გელაპარაკებით დამოუკიდებელი პერსონა, გიკოს, სანდროს და ქექეს დედა და მაინტერესებს, მაქვს თუ არა ამ ქვეყანაში ნიკასგან დამოუკიდებლად ცხოვრების უფლება და ვარ თუ არა ამ სახელმწიფოსთვის ცალკეული ღირებულება. ჩემი ბოლო იმედი არის სახალხო დამცველი და მე მასთან აუცილებლად წავალ”, – განაცხადა თამარ ლილუაშვილმა.
რაც შეეხება ნიკა გვარამიას პოზიციას, მან აღნიშნა, რომ არავის არაფერს აპატიებს, განსაკუთრებით კი მისი მეუღლის მის წინააღმდეგ გამოყენებას.
შეგახსენებთ, რომ ნიკა გვარამია, მეუღლესთან ერთად, დღეს სასამართლო პროცესზე იმყოფებოდა.