2014-03-01 19:25

ცნობილი რუსული როკ-ჯგუფის "Машина времени"-ს ლიდერი ანდრეი მაკარევიჩი საკუთარ ბლოგზე წერს, რომ უკრაინასთან დაკავშირებით რუსეთში ატეხილი „ბინძური პროპაგანდის“ მსგავსი სიბინძურე თვით ბრეჟვევის დროსაც არ ახსოვს:

"მე განვიცდი უკრაინის მოვლენებს, მაგრამ უფრო მძაფრად განვიცდი იმას, რაც ხდება უკრაინასთან დაკავშირებით ჩვენთან... ასეთი ბინძური პროპაგანდა და სიცრუე ამ დოზით მე ბრეჟნევის ზეობის საუკეთესო წლებშიც არ მახსოვს. ბიჭებო, რის მიღწევს ცდილობთ? სუვერენული ქვეყნის ტერიტორიაზე ჯარის შეყვანის წინ საზოგადოებრივ აზრს ქმნით? გადავთელოთ ყირიმი, არა?“, - წერს როკ-მუსიკოსი.

მაკარევიჩი რუსეთის მიერ იანუკოვიჩის შეფარებასაც ეხმიანება და აღნიშნავს, რომ მისი დამალვა მხოლოდ ქურდს შეუძლია, ამით კი კაცობრიობის წინაშე სამარცხვინოდ იქცევა.