2014-03-01 17:02

რუსეთის ფედერაციის საბჭოს სპიკერი ვალენტინა მატვიენკო არ გამორიცხავს, რომ ყირიმში რუსეთმა არმიის შეზღუდული კონტინგენტის შეყვანა გადაწყვიტოს, თუმცა, აცხადებს, რომ ეს პრეზიდენტის გადასაწყვეტია.

მატვიენკოს განცხადებით, რუსეთის დუმის ზედა პალატა სახელმწიფოს მეთაურს მიმართავს თხოვნით, „მიიღოს ამომწურავი ზომები უკრაინაში მცხოვრები ჩვენი მოქალაქეების უსაფრთხოების უზრუნველსაყოფად, რადგან ის, რაც უკრაინაში ხდება, სწორედ მათი პროვოცირებულია, ვინც დღეს თავიანთ თავს ქვეყნის ხელისუფლებას უწოდებს“, – თქვა მატვიენკომ.