ორგანიზაცია “საქართველოს სტრატეგიული კვლევებისა და განვითარების ცენტრმა” თბილისის სხვადასხვა მაღაზიაში შეძენილი 42 დასახელების ტყემლის, პომიდვრის საწებლის, აჯიკისა და წითელი წიწაკის (დაფქვილი) ნიმუშებიდან 6-ში არასაკვები საღებავები აღმოაჩინა.
“გთხოვთ,არ მიირთვათ იმ პარტიის ნიმუშები, რომლებშიც არასაკვები საღებავები აღმოჩნდა!” –ამბობენ ორგანიზაციაში
მათივე თქმით, აღნიშნული საღებავები მცირე რაოდენობით არის აღმოჩენილი, თუმცა, მათი სისტემატური მიღება ხელს უწყობს ან სიმსივნის წარმოქმნას ან გენების გადაგვარებას.
შედეგები გერმანული ლაბორატორიისგან მიიღეს, სადაც 42 დასახელების ტყემლის, პომიდვრის საწებლის, აჯიკისა და წითელი წიწაკის (დაფქვილი) ნიმუშები გაგზავნეს.
მარნეულის ქარხანა აცხადებს, რომ იმ წითელი ტყემლის წარმოებას აჩერებს, რომელშიც არასამთავრობო ორგანიზაცია momxmarebeli.ge-მ არასაკვები საღებავი აღმოაჩინა.ისინი ნიმუშებს ევროპულ ლაბორატორიებში გაგზავნიან და მათ პასუხს დაელოდებიან.
