2019-06-24 17:13

მოსკოვში საქართველოსთან მიმართებაში დამატებით შეზღუდვების დაწესებას არ გამორიცხავენ. ამის შესახებ რუსეთის ფედერაციის უშიშროების საბჭოს კომიტეტის წევრი, ფრანც კლინცევიჩი “ფეისბუკის” საკუთარ გვერდზე წერს.

„არ გამოვრიცხავ, რომ საქართველოში ანტირუსული ისტერიის გაგრძელებამ, დამატებითი საპასუხო ზომების მიღება გვაიძულოს, რომელიც ტურისტულ ემბარგოს გასცდება,“ - წერს კლინცევიჩი.

საპირისპირო ინფორმაციას ავრცელებს “ვედომოსტი”. რუსული გამოცემა საგარეო საქმეთა სამინისტროსთან დაახლოებულ წყაროზე დაყრდნობით წერს, რომ საქართველოში ამ დროისთვის მიმდინარე ვითარების შენარჩუნების შემთხვევაში, რუსეთი სავარაუდოდ, მხოლოდ საქართველოსთან საჰაერო მიმოსვლის აკრძალვით შემოიფარგლება.