2014-02-26 11:17

საქართველოს პრემიერმინისტრი ირაკლი ღარიბაშვილი ამერიკის შეერთებულ შტატებში საქართველოს დელეგაციის ვიზიტს აფასებს. ღარიბაშვილი თვლის, რომ ვიზიტი აშშ-ში წარმატებულად შეიძლება რომ ჩაითვალოს:

"ჩვენთვის სასიხარულო იყო, რომ მოგვეცა შესაძლებლობა, პირადად შევხვედროდით ბატონ პრეზიდენტს და ვიცე-პრეზიდენტს. ჩვენ განვიხლეთ მთელი რიგი საკითხები ურთიერთანამშრომლობის. ძალიან სასიხარულო იყო ის, რომ თვითონ ბატონმა პრეზიდენტმა, ბარაკ ობამამ აღნიშნა, რომ ჩვენ უნდა გავაგრძელოთ და გავაღრმავოთ ურთიერთობები ეკონომიკურ სფეროში.

ჩვენ ასევე ვისაუბრეთ თავისუფალი სავაჭრო ურთიერთობების შესახებ. ჩვენ გვექნება ამის თაობაზე საუბარი სავაჭრო დეპარტამენტთანაც. ასევე განვიხილეთ პოლიტიკური ვითარება საქართველოში, რეგიონში, ასევე უკრაინის სიტუაცია. მე კიდევ ერთხელ მინდა დაგიდასტუროთ, რომ მე მივიღე სრული მხარდაჭერა, ზოგადად ჩვენმა მთავრობამ და ქვეყანას მიიღო და აქვს სრული მხარდაჭერა თეთრი სახლის და ვიტყოდი, რომ ეს ვიზიტი არის ძალიან წარმატებული", - აღნიშნა საქართველოს პრემიერ-მინისტრმა.