2014-02-26 11:14

თბილისის საქალაქო სასამართლოსთან ადვოკატ გოგა ონიანის მხარდასაჭერად სვანებმა აქცია გამართეს. აქციაში მონაწილეობა მიიღეს როგორც თბილისში მცხოვრებმა, ასევე ლენტეხიდან ჩამოსულმა სვანებმა.

აქციას ესწრებოდა გოგა ონიანის მამაც, რომელმაც განაცხადა, რომ მათი ქმედება დამოკიდებულია იმაზე, თუ რა გადაწყვეტილებას მიიღებს დღეს სასამართლო.

აქციის მონაწილეთა ნაწილი ამ დროისათვის სასამართლო პროცესზე დასასწრებად არიან შესულები, ონიანის პროცესი დღეს გაიმართება, სადაც მოსამართლე მიიღებს ადვოკატისთვის აღმკვეთი ღონისძიების შეფარდების გადაწყვეტილებას.