„არჩევანში“ კიევიდან ჩართვის დროს მიხეილ სააკაშვილმა განაცხადა, რომ კიევში სნაიპერის ტყვიით მოკლული დათო ყიფიანი საქართველოსთვის იბრძოდა და გულისტკივილი გამოხატა, რომ თბილისში მის ცხედარს არცერთი ოფიციალური პირი არ დახვდა.
„დათო ყიფიანმა გათიშა პირველმა წყლის ჭავლი, მანქანიდან და ეს გააკეთა ტყვიების ქვეშ, აიღო პირველმა „უკრაინული სახლი“, პირველად მაშინ გაუარა ტანსაცმელში ტყვიამ, „ბერკუტმა“ მას ქართული დროშა ააგლიჯა ხელიდან, მაგრამ არ დაანება, დაამტვრიეს ცხვირ-პირი, მაგრამ უკან წაიღო ეს დროშა.
ბევრი კითხულობდა და მე ვიტყვი, რომ რა თქმა უნდა, ის საქართველოსთვის იბრძოდა. რა თქმა უნდა, სწორედ აქ წყდება საქართველოს ბედი... რა თქმა უნდა, როცა ის ჩაასვენეს საქართველოში, მას არცერთი ოფიციალური პირი არ დახვედრია, მაგრამ მას დახვდა ათასობით ადამიანი და ეს იყო მისი ყველაზე დიდი დაფასება“, - განაცხადა მიხეილ სააკაშვილმა.
