2014-02-25 11:11

აშშ–ში სამუშაო ვიზიტით მყოფ ირაკლი ღარიბაშვილთან და საქართველოს დელეგაციის სხვა წევრებთან პრეზიდენტ ბარაკ ობამასა და ვიცე–პრეზიდენტ ჯო ბაიდენის შეხვედრის შესახებ განცხადება თეთრმა სახლმაც გაავრცელა.

"აშშ-ის პრეზიდენტმა და ვიცე-პრეზიდენტმა დაადასტურეს ძლიერი მხარდაჭერა საქართველოს დამოუკიდებლობისა და მისი ტერიტორიული მთლიანობისადმი, მის საერთაშორისო აღიარებულ საზღვრებში. მათ დაარწმუნეს საქართველოს პრემიერ-მინისტრი, რომ აშშ მხარს უჭერს ქართველი ხალხის ევროატლანტიკურ მისწრაფებას და დაპირდნენ, რომ აშშ-ი გააგრძელებს საქართველოს ახალი მთავრობის დახმარებას პოლიტიკური, ეკონომიკური და თავდაცვის სფეროში რეფორმების განხორციელებაში", - ნათქვამია თეთრი სახლის მიერ გავრცელებულ განცხადებაში.