2014-02-24 12:45

ადვოკატ გოგა ონიანის დაკავების ფაქტს დღეს „ერთიან ნაციონალურ მოძრაობაში“ გამოეხმაურნენ. საპარლამენტო უმცირესობის წარმომადგენლები აცხადებენ, რომ არასასურველი პოლიტიკოსების შემდეგ, მმართველი ძალა მათი ადვოკატების დაკავებას ცდილობს.

„გიორგი ონიანი, რომელსაც მოგებული ჰქონდა ბაჩო ახალაიას საქმეზე რამდენიმე პროცესი პროკურატურისათვის, მათ შორის კრიმინალი პროკურორის, ფარცხალაძისათვის, ადგილობრივი ლიდერების დაპატიმრების შემდეგ, დადგა ადვოკატების ჯერი, ხოლო საქართველო გადაიქცა ტოტალიტარულ სახელმწიფოდ, სადაც მოქმედებს ერთადერთი კანონი, ხელისუფლების უკანონო სურვილების ასრულება და მათი ბოღმის, შურისძიების ასრულება იმ გზით, რომ დაკავებულნი იქნან სხვადასხვაგვარად მოაზროვნე ადამიანები, საქართველო დღეს დაემსგავსა რუსეთს და ვენესუელას“, - განაცხადა ნუგზარ წიკლაურმა.