2014-02-24 03:39

სევასტოპოლში, „სახალხო ნების“ მიტინგზე, სადაც რამდენიმე ათასი ადამიანი შეიკრიბა, ქალაქის თავად რუსეთის მოქალაქე, „ტავრიდა ელეკტრიკის“ მფლობელი ალექსი ჩალი აირჩიეს.

მიტინგზე არცერთი უკრაინის სახელმწიფო დროშა არ იყო გამოტანილი, სამაგიეროდ, მონაწილეებს ეჭირათ რუსეთის დროშა და დროდადრო იძახდნენ: „რუსეთი!“; „პუტინი ჩვენი პრეზიდენტია!“.

თავად ჩალიმ სიტყვით გამოსვლისასა განაცხადა, რომ ეს დანიშვნა მას 1942 წელს საბჭოთა გენერლების დანიშვნას აგონებს და პირობა დადო, რომ სევასტოპოლთან დაკავშირებულ ყველა პრობლემას მოაგვარებს.

მიტინგის მონაწილეებს ეჭირათ ასევე სხვადასხვა შინაარსის პლაკატები. მათ შორის ერთერთზე ეწერა: „რუსეთო, ჩვენ მიტოვებული ვართ, მიგვიღე უკან!“ (" Россия, мы покинуты, возьми нас обратно!").

მიტინგზე მიიღეს გადაწყვეტიელბა, აღარ გადარიცხონ გადასახადები კიევში, უკრაინის ცენტრალურ ბიუჯეტში და ადგილობრივი მილიცია არა შსს–ს, არამედ საქალაქო საბჭოს დაექვემდებაროს.