2014-02-24 01:50

პოლიტოლოგი გია ნოდია ბერ გაბრიელის ნეშტის გადასვენებასთან დაკავშირებულ მოვლენებს შოტლანდიიდან ეხმიანება და „ფეისბუქზე“ წერს, რომ „საპატრიარქომ დედა პარასკევას ბიზნესი აახია“.

გია ნოდიასთვის გაუგებარია, რატომ ამოთხარეს ბერი გაბრიელი საფლავიდან და რატომ გახადეს „ქვეყნის საღადაო“:

„შოტლანდიაში ვარ და ჩამოვრჩი ქართულ რეალობას. მესმის, რომ დედა პარასკევას ბიზნესი აახია საპატრიარქომ, სავსებით გასაგები მოტივია.

მაგრამ რაღაც ოფიციალური და პოლიტკორექტული განმარტება არსებობს, რატომ ამოთხარეს ის კაცი საფლავიდან და ქვეყნის საღადაო გახადეს (ქვეყნის შედარებით რაციონალურ ნაწილს ვგულისმობ).

მამა გაბრიელი ჩემი ბიძა არ ყოფილა, მაგრამ ისე მეჩვენება, რომ მართლა სწამდა იმ კაცს ღმერთის და თუნდაც ამის გამო პატივისცემას იმსახურებდა, რას ერჩოდნენ? გრეხია, სამთავროსთან რომ ხარ დაკრძალული?“, – წერს გია ნოდია.