2014-02-23 10:44

უკრაინელმა მესაზღვრეებმა სასაზღვრო კონტროლის გარეშე  აფრენის საშუალება არ მისცეს თვითმფრინავს, რომელშიც ვიქტორ იანუკოვიჩი იმყოფებოდა.

იმ დროს, როცა კონტროლიორები თვითმფრინავთან საბუთების გასაფორმებლად მივიდნენ, მათთან უცნობი შეიარაღებულები გამოცხადდნენ და ფული შესთავაზეს, რათა რეისი არ გაფორმებულიყო.

მას შემდეგ, რაც მესაზღვრეებმა უარი თქვეს ამ წინადადებაზე, თვითმფრინავთან ორი დაჯავშნული ავტომანქანა მივიდა და მათგან ერთ–ერთში თვითმფრინავიდან გადმოსული ვიქტორ იანუკოვიჩი ჩაჯდა.

სად მიფრინავდა იანუკოვიჩის თვითმფრინავი, მესაზღვრეებმა არ იციან, რადგან რეისი არ გაფორმებულა.

მოგვიანებით იანუკოვიჩი ხარკოვის ადგილობრივი ტელევიზიით გამოვიდა და უკრაინაში მომხდარ ამბებს სახელმწიფო გადატრიალება უწოდა, ხოლო რადაში განვითარებულ მოვლენებს – ბანდიტიზმი. მისი თქმით, ის ქვეყანაში რჩება და არსად აპირებს წასვლას, ხოლო რადას გადაწყვეტილებები უკანონოა.