2016-08-28 22:48

მხოლოდ იმისთვის, რომ თავის მანქანაზე რუსული "იანდექს ტაქსის" სტიკერი გააკრან, რუსული კომპანია თბილისში, კერძო ტაქსების მძღოლებს დღეში 35$ უხდის. ამის შესახებ ცნობილი გახდა მას შემდეგ, რაც ქართული კომპანია "ტაქსი 2 200 200" გამოეხმაურა "ფეისბუქზე" გავრცელებულ ინფორმაციას იმის შესახებ, რომ მათ გამოძახებაზე რუსული კომპანიის ტაქსები დადიან. შესაბამისი სტატუსი ფოტოებთან ერთად, სოციალურ ქსელში ციცია ჯაფარიძემ გაავრცელა. 

"გამოვიძახე ტაქსი 200-200 და მოვიდა ეს... მძღოლს ვუთხარი რომ ამ მანქანაში არ ჩავჯდებოდი და მკითხა რატომო. აუხსენი რატოც, ვრეკავ ოპერატორთან, რომ გავარკვიო რა ხდება და საიდან მოვიდა ეს ტაქსი ჩემთან არც მპასუხობენ და არც მირეკავენ..."

როგორც ქართულ კომპანიაში აცხადებენ, მათ რუსულ "იანდექს ტაქსისთან" არანაირი შეხება არა აქვთ და მეტიც, საქართველოში მის შემოსვლას გმობენ, რადგან კომპანიის რუკებზე საქართველოს ტერიტორიული მთლიანობა უგულებელყოფილია. კომპანია მომხრად ფაქტს, ანუ, მის გამოძახებაზე "იანდექსის" სტიკერიანი ტაქსის მისვლას იმით ხსნის, რომ მობილური აპლიკაცია უამრავ მძღოლს აქვს გადმოწერილი, რომელიც მისთვის სასურველ მისამართზე გასვლის უფლებას აძლევს, ამავე დროს კი, შესაძლოა, ის პირი მუშაობდეს "ტაქსი 2 200 200"-ზეც და "იანდექს ტაქსიზეც", შესაბამისად, დაკრული ჰქონდეს ორივე სტიკერი:

ბოლო ორი დღეა ხშირად გვწერენ, რომ ჩვენი გამოძახებიდან ადგილზე მიდის რუსული კომპანიის ტაქსები (იანდექსი). ტაქსის სერვისი 200 200 გმობს რუსული ტაქსოკომპანიის ბაზარზე შემოსვლას და ამიტომ, თითოელ თქვენგანს გთხოვთ და მოგიწოდებთ რომ არცერთი ასეთი ფაქტი არ დატოვოთ გაუხმაურებლად და დაგვიკავშირდეთ ნომერზე 200 200.

მძღოლმა უკვე დატოვა კომპანია. რაც არუნდა გასაკვირი იყოს მძღოლი ცხინვალიდან დევნილი იყო... ამ სტიკერებისათვის კი დღეში 35$ უხდიდნენ", - წერს კომპანია "ფეისბუქზე".