2016-07-28 21:23

"ფეისბუქის" ერთ-ერთი მომხმარებლის მიერ გამოქვეყნებული სტატუსში (მან სტატუსის გამოქვეყნების ნება დაგვრთო, თუმცა, ჯერჯერობით, ინკოგნიტოდ დარჩენა ისურვა), შვილებისთვის განკუთვნილი 10 რჩევაა ჩამოყალიბებული. მსგავსი პრაქტიკა ცნობილია და მას "ათი მცნება შვილებისთვის" სახელწოდებით ვიცნობთ. 

1. გაიღიმე! ღიმილი მთავარი სავიზიტო ბარათია, ყველა კარის მთავარი გასაღებია, დასაწყისია!

2. იყავი თავისუფალი! თავისუფლებაზე უარს, ან საკუთარი თავისუფლების შეზღუდვას არ შეიძლება ქონდეს გამამართლებელი მიზეზი ან მიზანი.

3. გიყვარდეს უფრო მეტად, ვიდრე უყვარხარ! სიყვარულს ყველაზე მეტი ძალა ჭირდება და ეს ძალა უნდა იპოვო.

4. გჯეროდეს საკუთარი თავის! არ არსებობს არაფერი, რაც შეიძლება მიზნად დაისახო და ვერ მიაღწიო.

5. არაფერი შეწირო დროს! ცოტა დრო არ არსებობს, არსებობს არასწორად დაგეგმილი საქმე ან დღე.

6. განსაზღვრე პრიორიტეტები! გახსოვდეს, რომ ყოველთვის ყველაფერში არის რაღაც მთავარი.

7. იცოდე დოზა, ზომა! ყველაფერი შეიძლება იყოს ზედმეტიც და ნაკლებიც.

8. აღიარე შეცდომები! ეს ერთადერთი შანსია დაბრუნდე სწორ გზაზე.

9. ყოველთვის ეცადე გააერთიანო და არ დაყო! ერთობით ყველაფერი მარტივია.

10. არ გაჩერდე! სამყაროში არაფერია უძრავი, რაც მოძრაობას წყვეტს - ქრება.