2016-04-10 05:14

საქართველოს მესამე პრეზიდენტი მიხეილ სააკაშვილი, საუბრობდა რა ევრაზიის კავშირს, ზოგადად, ევრაზიასა და ევროპას შორის ფუნდამენტურ განსხვავებზე, 2013 წელს ამბობდა:

„რა არის ევრაზიული საზოგადოება? არავითარი ანგარიშვალდებულება, ოპონენტები ციხეში, კორუფცია ყველგან... ევრაზიაში მძვინვარებს კრიმინალი. ევრაზიაა, როცა გესმის ქუჩის გარჩევები, ჩაცუცქული ხალხი არის ევრაზია, ნეპოტიზმი არის ევრაზია,! თამაზაშვილები რომ მართავენ კახეთს არის ევრაზია. ზვიადაურები რომ მართავენ ახმეტას, არის ევრაზია! ერთი წლის წინ ბათუმი იყო ევროპა, ახლა ბათუმი არის ევრაზია, იმიტომ რომ ბევრი ნაგავი დაიყარა ქუჩებში.

ევროპასთან დაახლოებას ბევრი მუშაობა უნდა, პუტინი კი უპრობლემოდ გვიღებს ევრაზიული კავშირის კარს. რაც უფრო ჩაოხრებული ხარ , რაც უფრო ჩაბანძებული ხარ, მით უფრო კარგად მიდიხარ ევრაზიაში.

რა არის ევროპა? მთავრობა იცვლება არჩევნებით, ოპონენტები ზიან ტელე-დებატებში და არა დახუთულ ციხეებში, როგორც მერაბიშვილი და სხვა მინისტრები. უმცირესობები ინტეგრირებულია და საკუთარი შეხედულებისამებრ ლოცულობენ ან არ ლოცულობენ, ქუჩებში არ კლავენ, ეკონომიკა ეფუძნება თავისუფლებას და პირად ინიციატივას.

დღესაც მეც და თქვენც გვაქვს ერთი პასუხისმგებლობა - ჩვენი ქვეყანა. ჩვენი მომავალი არავის უნდა გადავაბაროთ. ვერც ერთმა პრემიერ-მინისტრმა, პოლიტიკოსმა. საქართველო ვეღარ დააბრუნოს ევრაზიის ნაგავში!".