2015-12-17 09:35

"ოდესელები მეკითხებიან ხოლმე, ახალ ბათუმს ხომ აგვიშენებო, მე კი მათ ვეუბნები: რა ახალი ბათუმი, როცა ოციანი-ოცდაათიანი წლების ჩიკაგო გაქვთ აქ? სანამ ამ ჩიკაგოს არ დაანგრევ, მანამდე ახალ ბათუმს ვერ ააშენებ", - ეს განცხადება ოდესის გუბერნატორმა შუსტერის გადაცემაში გააკეთა.

მიხეილ სააკაშვილმა რეფორმების საბჭოს სხდომაზე მასსა და ავაკოვ-იაცენუკს შორის კონფლიქტი კიდევ ერთხელ განიხილა და განაცხადა, რომ ინციდენტის მიუხედავად, თანამდებობიდან წასვლას არ აპირებს:

"ჩემთვის გასაგებია, რომ ეს იყო დაპირისპირება არა კონკრეტულ პირთან, არამედ სისტემასთან. ის დამოკიდებულება, რაც იქ იყო ჩემს მიმართ, ეს არ არის უკრაინელი ხალხის დამოკიდებულება. ეს ისევე შორსაა უკრაინელი ხალხის ხასიათისგან, როგორც ის ძარცვა, რაც ხდება ხელისუფლების მხრიდან.

მე აქ მოვედი იმისთვის, რომ ვაშენო, რადგან შენებას ვცემ პატივს. მაგრამ სანამ შენებას დაიწყებ, ძველი უნდა დაანგრიო. ისინი, ცხადია, ასე ამბობენ: "ეს ჩემი ქვეყანაა!" ანუ, ეს იგივეა, რაც: "უკრაინა ჩემი ძროხაა, ის მე უნდა მოვწველო, შენ კი, ქართველო, წადი აქედან!...", - თქვა მიხეილ სააკაშვილმა.