2015-11-11 14:31

,,რუსთავი 2" -ის დროებითმა მმართველებმა დღეს პრესკონფერენცია გამართეს. მათ სამაუწყებლო კომპანიის გენერალური დირექტორის მოვალეობის შესრულების უფლებამოსილება ზაალ უდუმაშვილს მიანიჭეს.

პრესკონფერენციაზე დვალმა წარადგინა დოკუმენტი, რომლის მიხედვითაც ზაალ უდუმაშვილს შეეძლება მათი სახელით იმოქმედოს. 

დვალი ამბობს, რომ მას და რევაზ საყევარიშვილს აქვთ უფლება ცალმხრივად გააფორმონ მინდობილობა და იმედოვნებს, რომ ზაალ უდუმაშვილი გამოიყენებს გადაცემულ უფლებამოსილებებს და ტელეკომპანიას პრობლემები არ შეექნება.