2014-02-16 11:30

ცხინვალში მდებარე ბორის ჩოჩიევის სახლის ეზოში გამთენიისას ყუმბარა აფეთქდა. არავინ დაშავებულა.

შეგახსენებთ, რომ ბორის ჩოჩიევი ე.წ. სამხრეთ ოსეთის რესპუბლიკის პრეზიდენტის ადმინისტრაციის უფროსია.

„აფეთქება &:08 საათზე გაისმა, წინასწარი ინფორმაციით, ხელყუმბარა აფეთქდა. მსხვერპლი ან დაშავებულები არ არიან, აფეთქებას ნგრევა არ მოჰყოლია“, – ამის შესახებ „რია ნოვოსტი“ იტყობინება.

ამავე რესურსის ცნობით, „პრეზიდენტმა“ თიბილოვმა უშიშროების საბჭოს საგანგებო სხდომა მოიწვია და აპირებს დააყენოს საკითხი, შეიქმნას ოპერატიულ–სამძებრო ჯგუფი, რომელიც უმოკლეს ვადაში გამოიძიებს მომხდარ ფაქტს.