„ნოვი რეგიონი“ აქვეყნებს ჩანაწერს, სადაც, წინასწარი შეტყობით, უკრაინელი მილიარდერი იგორ კოლომოისკი უკრაინის ყოფილ პრეზიდენტ იანუკოვიჩს ესაუბრება. გამოცემა წერს, რომ მას ხელთ აქვს კოლომოისკის რამდენიმე საუბრის ჩანაწერი პოლიტიკურ ლიდერებთან.
ჩანაწერის მიხედვით, ვიქტორ იანუკოვიჩი და იგორ კოლომოისკი საუბრობენ მედია-სტრატეგიის შესახებ, რომელიც კოლომოისკის კონტროლირებადმა მედიასაშუალებებმა უნდა დაიცვან. საუბარია მაიდნის პროცესების გაშუქებაზე და ეს ხდება ცოტა ხნით ადრე მანამ, სანამ იგორ კოლომოისის ოკუპანტებისგან დნეპროპეტროვსკის დამცველად წარმოაჩენდნენ.
ჩანაწერის იდენტურობა არ არის დადასტურებული. შეგახსენებთ, რომ იგორ კოლომოისკი ოდესაში მიმდინარე რეფორმებს აქტიურად დაუპირისპირდა და მიხეილ სააკაშვილის მიმართ შავი პიარის აგორების ორგანიზატორადაც მოგვევლინა, როცა მისმა კონტროლირებადმა ტელეკომპანიებმა არაერთხელ გაუშვეს ეთერში უსაფუძვლო ბრალდებებითა და ჭორებით გაჯერებული სიუჟეტები, ასევე გადაცემები.
