2015-11-04 23:03

"უკროპის" ლიდერის გენადი კორბანის სასამართლო პროცესი დაიწყო კიევში. სხდომის დაწყებისთანავე გენადი კორბანმა მისი გადადება ხვალამდე მოითხოვა. 

გენადი კორბანის დაცვის მხარემ სასამართლოს შუამდგომლობით ჯერ კიდევ შუადღეს მიმართა, რათა პროცესი გადადებულიყო და თანხმობაც მიიღო, მაგრამ ამის შემდეგ დარბაზში დაცვისა და ბრალდების წარმომადგენლებს შორის ხელჩართული ჩხუბი დაიწყო, რომელშიც რადის დეპუტატიც მონაწილეობდა. 

ჩხუბის შემდეგ პეჩორის სასამართლოში შსს-ს კიევის სამმართველოს უფროსი პირადად მივიდა, ხოლო სიტუაციის გაცნობის შემდეგ განაცხადა, რომ ის უწესრიგობა, რაც სასამართლოს შენობაში სუფევს, რკინის ხელითაა აღსაკვეთი.

შეგახსენებთ, გენადი კორბანი, რომელსაც უკრაინაში იგორ კოლომოისკის მარჯვენა ხელად მოიხსენიებენ, საკუთარ სახლში, უსაფრთხოების სამსახურის სპეცრაზმმა დააკავა.