2015-11-01 22:12

"ნუ მაწყვეტინებთ, როცა გვარების დასახელებამდე მივდივარ!" - ასე მიმართა მილიარდერ კოლომოისკის ტელეარხ "1+1"-ის წამყვანს ოდესის გუბერნატორმა მიხეილ სააკაშვილმა, როცა პირდაპირ ეთერში ჩამოთვალა ის მილიარდერები, რომლებიც, მისი თქმით, ციხეში უნდა ისხდნენ. 

"მე მაქვს სერიოზული შენიშვნები იმაზე, როგორ უნდა იმუშაონ მათთან მიმართებაში. იმას, რომ ისინი წლების განმავლობაში ძარცვავდნენ უკრაინას, რაში სჭირდება პროკურატურა? თქვენ ეს არ იცით? საიდან აქვთ მათ ის მილიარდები, რაც აქვთ?", - კითხულობდა გაცხარებული სააკაშვილი და ბოლოს გვარების ჩამოთვლასაც შეუდგა, თუმცა, წამყვანმა რამდენჯერმე შეაწყვეტინა გამოსვლა, რასაც სააკაშვილის რეპლიკა მოჰყვა. საბოლოოდ, არხზე ჩართვა მაინც იქამდე გათიშეს, სანამ ოდესის გუბერნატორი გამოსვლას დაასრულებდა.