-
2015-10-28 00:33
„არჩევანში“, ზაქარია ქუცნაშვილისა და გიორგი ვაშაძის დებატების დროს ვაშაძემ ზაქარია ქუცნაშვილის სახით საპარლამენტო უმრავლესობა დაადანაშაულა იმაში, რომ ისინი მუდამ უარს ამბობდნენ სხვადასხვა გახმაურებული საქმეების საგამოძიებო კომისიის შექმნაზე.
„თუ ვინმე იყო, ვინც ამ ყველაფრის თანამონაწილეა უნდა დაისაჯოს. შემზარავია ეს ყველაფერი მოისმინო. მითუმეტეს უყურო პოლიტიკურ ძალას, რომელმაც ეს შოუ დადგა ეს საზიზღრობა და მოვიდა ხელისუფლებაში და თქვენ ხართ ამის ნაწილი. თქვენ როგორც პარლამენტის წევრი დამნაშავე ხართ იმაში, რომ სამი წელი უარს იძახით საგამოძიებო კომისიების შექმნაზე.
ბედუკაძეს თქვენ გაურიგდით, ბედუკაძეს დაცვა თქვენ დააფინანსეთ, ბედუკაძის ჩვენებები თქვენ დამალეთ. თქვენ ხართ ყველა ბედუკაძეები. დამნაშავე უნდა ისჯეს ციხეში. არ გინდათ, რომ დასრულდეს ამ ამბის გამოძიება იმიტომ, რომ ამ კადრებით ვაჭრობთ. თქვენ გაკოტრებული პოლიტიკური ძალა ხართ.
მე ვიყავი პირველი ვინც ითხოვდა ამ კადრების გამოძიებაზე შეგვექმნა საგამოძიებო კომისია. ჩასვით ბედუკაძე ციხეში და ალაპარაკდება და იტყვის ვინ აძლევდა მას ამ ბრძანებებს და ისიც ჩასვით ციხეში,"- განაცხადა გიორგი ვაშაძემ.