დიახ, გადაცემის ეთერში გასვლამდე ვადასტურებ, რომ ეს მიმოწერა ეკა კვესიტაძეს მე მივაწოდე.

დიახ, "განსხვავებულ აქცენტებში" მე ვყვები, როგორ მოხვდა ეს მიმოწერა ჩემთან.

თუმცა, ცხადია, ეს არ არის მტკიცებულებითი ფორმით ნათქვამი - ვარაუდია და მოვლენების ლოგიკურ განვითარებას, გონივრულ ეჭვებს მივყავართ დასკვნამდე, რომ "ციხის კადრები" ბედუკაძემ ივანიშვილის დაკვეთით გადაიღო და ამაში ფულიც აიღო ან უნდა აეღო და არ მისცეს. დანარჩენზე თავად იმტვრიეთ თავი - ვინ მონაწილეობდით და რა დოზით.

შენს კედელზე წერენ, ჯერ მიმოწერის ავთენტურობა დაედგინათ და მერე გაეშვათ ეთერშიო. კი, როგორ არა, ზუსტად კადრების ავთენტურობის დასადგენად გაიქცნენ ტვ-ები არჩევნებამდე ერთი კვირით ადრე, ის კადრები რომ გაუშვეს, რაც გავიდა და რამაც "ოცნება" მოიყვანა ხელისუფლებაში...

დიახ, იმასაც ვადასტურებ, რომ ამ მიმოწერის შესახებ, რომელიც შარშან მომაწოდეს, შენც შეგატყობინე და მაინტერესებდა შენი აზრი. ვადასტურებ, მითხარი, რომ ეს ფოტოშოპია და რომ მაშინ არც იცნობდი ბედუკაძეს...

ახლა წერ, სასწრაფოდ პროკურატურას მივმართავ და ამ ფეიკ მიმოწერას სამხარაულში წავიღებო. კი, ბატონო, წაიღე. მაგრამ მაინცდამაინც ეთერში უნდა გასულიყო, რომ წაგეღო?

ერთი წელია, ეს მიმოწერა გაქვს, სანამ მე გიჩვენე, შენთვისაც გაუგზავნიათ. რატომ არ ატეხე მანამდე ამბავი? რატომ არ გამოფინე შენს კედელზე და ხმამაღლა არ დაიწყე ყვირილი - აი, ამას მივრცელებენ, ფეიკი და ფოტოშოპია, სადმე გადაცემაში თუ ნახოთ, არ დაიჯეროთო? მე ასე მოვიქცეოდი და შენ რატომ ამდენ ხანს არ წაიღე სამხარაულში?

ჰო და კიდევ: რატომ მთხოვდი წუხელ, ანონსის დადების მერე, კვესიტაძეს ურჩიე, გადაცემა არ გაუშვას, რადგან ეს ფეიკია და გადაცემა ჩაუვარდებაო? ჯერ ერთი, ეს ეკას საავტორო გადაცემაა, მე ვერაფერს ვთხოვ და მეორეც, შენ თავად არ უნდა იყო დაინტერესებული, რომ ეკას გადაცემა "გაუბანძდეს"?

... ორიგინალი, როდის და ვინ მომაწოდა ის მიმოწერა, ჩემს ლეპტოპში ინახება. ყველაფერი დასეივებულია საიმედოდ. ცხადია, ლეპტოპის გარდა სხვაგანაც, უფრო საიმედო ადგილას..."

ვიდეო: "25 ოქტომბრის "განსხვავებული აქცენტების" პრომო