2015-07-22 21:34

საპარლამენტო უმცირესობის წევრები, ასევე არასაპარლამენტო ოპოზცია "გურიანიუსთან" ბიძინა ივანიშვილის მიერ გამოთქმულ ფრაზებს ეხმიანება და აკრიტიკებს. 

შალვა ნათელაშვილის განცხადებით, ბიძინა ივანიშვილის სიტყვები იმის სესახებ, რომ მმართველობის მესამე წელს მოსახლეობის ჯიბეებზე კეთილდღეობის ასახვის დაპირება არაკორექტული დაპირება იყო, "კრიმინალი მილიარდერის მორიგი დაცინვაა". ასევე, დაცინვად აფასებს ამ გამონათქვამებს "თავისუფალი დემოკრატების წევრი" ზურაბ აბაშიძე, ნინო ბურჯანაძე კი ამბობს, რომ ქართულ პოლიტიკაში მოთამაშეები მრავლად არიან დაკიდევ ერთი მოთამაშის, თანაც, მდიდრის გამოჩენა აუცილებელი არ არის".

"თანაგუნდელები მას პელეს უწოდებდნენ, თავად ასე ამბობდა და კარგად ჰქონია საქმე "ქართულ ოცნებას", თუკი პელე სატადარიგო სკამზე უზის", - ამბობს საპარლამენტო უმცირესობის წევრი "ერთიანი ნაციონალური მოძრაობიდან" ნუგზარ წიკლაური.