პასუხი პროფესორ ქეთევან პავლიაშვილს

Image

24 ივნისს, ტვ "იმედზე", "ეკა ხოფერიას თოქშოუში", ისტორიის მეცნიერებათა კანდიდატმა, პროფესორმა ქეთევან პავლიაშვილმა, როგორც თავად აღნიშნა, "პირველი და უკანასკნელი ინტერვიუ" მისცა, სადაც განმარტა, რომ მისი ერთერთი კომენტარის გამოქვეყნება "აფხაზეთის ხმაზე", "ვინმე ეგრეთწოდებული ჟურნალისტის, ბერულავას მიერ" შეთქმულების შედეგია. 

 

მე, ჟურნალისტი ლაშა ბერულავა, რომელიც ვმუშაობ რადიო "აფხაზეთის ხმის" საინფორმაციო სამსახურის უფროსად და რადიოს ვებგვერდის რედაქტორად, საჭიროდ მივიჩნევ, მოკლედ ვუპასუხო ქ.-ნი ქეთევანის ბრალდებებს, მათი აბსურდულობის მიუხედავად. 

 

ისტორიის მეცნიერებათა დოქტორს, ქალბატონ ქეთევან პავლიაშვილს ეკუთვნის ჩემს მიერ "აფხაზეთის ხმაზე" გამოქვეყნებული ეს კომენტარი, რომელიც სწორედ ამ სახით "ფეისბუქზე" გავრცელდა მანამ, სანამ საიტზე მოხვდებოდა:

 

„ქალბატონ ქეთევანს ძალიან უნდა, სცდებოდეს, მაგრამ ვერ სცდება, იმ მარტივი მიზეზის გამო, რომ ქ-ნი ქეთევანი 35 წელია ახალგაზრდებთან მუშაობს დღეში 7 საათში, შაბათ-კვირის გამოკლებით და ყოველ ახალ სემესტრში სულ უფრო დაჩლუნგებულ თაობას აწყდება.

 

ნუ გიკავიათ სირაქლემას პოზა და ნუ იტყუებთ თავებს. ის, რაც დღეს ხდება თბილისში (სოლიდარობა) ბუნებრივია, მისასალმებელია, თუმც ასეთები გვინახია, ხვალ რომ ყველას მიავიწყდება ყველაფერი და როგორც კი ვინმე ფეხზე დადგება, სასწრაფოდ ყელში წაუჭერენ.

 

ეს იცის ქ.-მა ქეთევანმა და ამის დიდი გამოცდილება აქვს ქ.-ნ ქეთევანს. ეს ისე, ცნობისთვის“.

 

ქეთევან პავლიაშვილი ტვ "იმედის" ეთერში ამბობს, რომ კომენტარი დაწერა თებერვალში და მას არანაირი შეხება არა აქვს 13 ივნისის ტრაგედიასთან.

 

ამავე დროს, რაოდენ საოცარიც უნდა იყოს, თუ სწორად გავიგე, მე მომიაზრებს მის მიმართ შეთქმულების ორგანიზატორად და "ეკა ხოფერიას თოქშოუში" ამბობს, რომ თურმე მე ვაქეზებდი მის წინააღმდეგ სტუდენტებს და ამის დამადასტურებელი დოკუმენტები გააჩნია, რომლებსაც, თუ ჩემს მიერ შეცდენილი სტუდენტები გონს არ მოეგებიან, სათანადო ორგანოებს წარუდგენს.

 

ქალბატონ ქეთევანს ყველაზე კარგად პასუხი გასცა მისი ჩართვის დასრულების შემდეგ სტუდიაში დაწყებულმა სიცილმა, ამიტომ თავის მართლებას არ ვაპირებ, მაგრამ ქალბატონო ქეთევან, თქვენი პირდაპირი ჩართვის, უკაცრავად კი ვარ, მაგრამ ბოდვითი ნაწილიდან ერთი დეტალის დასაზუსტებლად ერთ შეკითხვას შემოგბედავთ:

 

თქვენ ამბობთ, ეს კომენტარი თებერვალში დავწერე და 13 ივნისის ტრაგედიასთან კავშირი არა აქვსო. მაშინ იქნებ აგვიხსნათ, რა იგულისხმება ამ სიტყვებში, რაც გიწერიათ:

 

"...ის, რაც დღეს ხდება თბილისში (სოლიდარობა) ბუნებრივია, მისასალმებელია, თუმც ასეთები გვინახია..."

 

ჯერ ერთი, ქალბატონო პროფესორო, "გვინახია" კი არა, "გვინახავს", მაგრამ ეს არაა მთავარი:

 

ამჯერად, მაინტერესებს, თებერვალში რა ხდებოდა თბილისში, რა სახის სოლიდარობა, რა სახალხო აქტივობა იყო ისეთი, რომელსაც განმარტებაც კი არ სჭირდებოდა და ასე მოხსენიებაც საკმარისი იყო: "ის, რაც დღეს ხდება თბილისში (სოლიდარობა)"?

 

და კიდევ: ამდენ ლაპარაკს, შეთქმულების თეორიის ტირაჟირებას და მუქარას, რომ ყველანაირ "დოკუმენტაციას" სათანადო ორგანოებს წარუდგენთ (ვინმემ დაგიშალათ ეს აქამდე?), იქნებ, უბრალოდ, აიღოთ და გამოაქვეყნოთ "ფეისბუქზე" მაინც, იმ ინტერნეტდიალოგის ბმული ან თუნდაც, სქრინი, რითაც დადასტურდება, რომ ზემოთ მოხსენიებული კომენტარი მართლაც, თებერვალშია გაკეთებული? 

 

ლაშა ბერულავა

 

ketevan-1.jpg

 

რედაქტორის რჩევით

საახალწლო ფილმების TOP 5 - ეული, რომლებიც სადღესასწაულო განწყობას შეგიქმნით

2021-12-15 17:30
დეკემბრის თვე დადგა და შესაბამისად ახალ წელს ვუახლოვდებით. ეს კი იმას ნიშნავს, რომ საახალწლო...

რომელი ქართველი ვარსკვლავის შვილია გოგონა, რომელიც ჰოლივუდის მსახიობ - ენ ჰეთეუეის ძალიან ჰგავს

2021-12-06 13:43
ბოლო დროს, ტაბლოიდები აქტიურად ალაპარაკდნენ მომღერალ, ნინო ჩხეიძის ქალიშვილის - მარიამისა და...

"საქართველოს მოსახლეობის 60% უკვე კოვიდგადატანილია" - გიორგი ფხაკაძე საგანგაშო კვლევის შესახებ საუბრობს

2021-11-15 15:22
ჯანდაცვის ექსპერტი, გიორგი ფხაკაძე სოციალურ ქსელში საგანგაშო კვლევის შესახებ საუბრობს და...

"მოითხოვეთ პირდაპირი ეთერი" - ნანუკა ჟორჟოლიანი მმართველი პარტიის მხარდამჭერებს მიმართავს

2021-11-15 15:01
ჟურნალისტი, ნანუკა ჟორჟოლიანი მხარდაჭერას უცხადებს მიხეილ სააკაშვილს და სოციალურ ქსელშიც აქტიურად...
რჩეული ვიდეოები

ნინო ჩხეიძისა და ზურა ბარბაქაძის ახალი კოლაბორაცია - „წყაროზე“

2021-11-16 13:59
10 წლის შემდეგ, მომღერლების, ნინო ჩხეიძისა და ზურა ბარბაქაძის მუსიკალური დუეტი განახლდა გელა...

CHANEL - ის 2021 წლის გაზაფხულის ჩვენება (ფოტო,ვიდეო)

2021-03-12 14:06
CHANEL - ის 2021 წლის გაზაფხულის ჩვენება

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

გამოკითხვა

helper DB function reports no errors

უნდა მოიხსნას თუ არა, პირბადის ტარების რეგულაცია საზოგადოებრივ ტრანსპორტში?

ხმების რაოდნობა:
ხმის მიცემა შეწყვეტილია !