2015-05-16 15:02

თბილისში, მეტროსადგურ "დიდუბის" მიმდებარე ტერიტორიაზე ავტომატით შეიარაღებულმა პირმა სავალუტო ჯიხურის დაყაჩაღება სცადა, ჯიხურის მფლობელმა კი მას წინააღმდეგობა გაუწია. 

მომხდარის შესახებ ოფიციალური ინფორმაცია შსს-მაც გაავრცელა. შემთხვევა 8 მაისს, საღამოს საათებში მოხდა. ვალუტის ჯიხურის მფლობელი ფეხში დაიჭრა. სავარაუდოდ, მას რიკოშეტით ასწხლეტილი ტყვია მოხვდა. დავით ბექაურს ოპერაცია გაუკეთდა და ამჟამად მისი მდგომარეობა დამაკმაყოფილებელია. თავდასხმაში ბრალდებული წინასწარ პატიმრობაში იმყოფება.

კადრებში, რომელიც "ფეისბუქში" ჯიხურის მფლობელის შვილმა გაავრცელა, უწყვეტად ჩანს, რა ხდებოდა თავდამსხმელის გამოჩენიდან მის სრულ განიარაღებამდე. შეიარაღებული პირის დაკავებაში რიგითმა მოქალაქეებმაც მიიღეს მონაწილეობა, რის შემდეგაც ადგილზე პოლიცია მივიდა.