მინსკში მიმდინარე "ნორმანდიული შეხვედრა" თოთხმეტსაათიანი ხანგრძლივობის შემდეგ დასასრულს უახლოვდება. გავრცელებული ინფორმაციით, პუნქტებთან დაკავშირებით შეთანხმება 80%-ით მიღწეულია.
პრეზიდენტის სასახლე უკვე დატოვეს რუსეთის პრეზიდენტის თანაშემწემ და საგარეო საქმეთა მინისტრმა სერგეი ლავროვმა. პრეზიდენტის სასახლის დერეფანში ჩაძინებული სხვადასხვა დელეგაციის წევრები და ჟურნალისტები უკვე ფხიზლდებიან, სავარაუდოდ, მათ მალე მიიპატიჟებენ დარბაზში, სადაც შეთანხმებას ხელი უნდა მოეწეროს.
უკრაინის საგარეო საქმეთა მინისტრი პავლე კლიმკინი "ტვიტერში" წერს, რომ მოსაყოლი ბევრია, მაგრამ მოგვიანებით, ხოლო მოლაპარაკებათა შედეგების გასაჯაროება ჯერ ადრეა:
"მოლაპარაკების 14 საათი. დელეგაციის წევრებს, პრაქტიკულად, სძინავთ. მაგრამ ჩვენები - სუპერ! მაპატიეთ, რომ თქვენ არ გეძინათ და მე არ ვჩანდი, მაგრამ მოგეხსენებათ, ზოგჯერ ჯობს იმუშაო მდუმარედ და ახლა სწორედ ეს შემთხვევა იყო", - დაწერა კლიმკინმა "ტვიტერზე".
