2015-02-02 12:03

14 წლის მოზარდზე სექსუალური ძალადობის გამო სამტრედიაში დაკავებული მამაკაცის საქმეზე ახალი დეტალები ხდება ცნობილი. როგორც ირკვევა, ბიძა დისშვილზე 12 წლის ასაკიდან, ორი წლის განმავლობაში სექსუალურად ძალადობდა.

მოზარდი ამ ფაქტის გამჟღავნებას ვერ ბედავდა, რადგან ბიძა, რომელსაც მკვლელობისთვის 19 წელი ჰქონდა მისჯილი, მას ოჯახის წევრების მოკვლით ემუქრებოდა. ბიძა და დისშვილი სამტრედიაში ნაქირავებ ბინაში ცხოვრობდნენ.

ტვ „იმედი“ აქვეყნებს ინტერვიუს დაზარალებული გოგონას ბებიასთან, რომელიც ამბობს, რომ გოგონამ ამბავი მეგობარს, სკოლაში მოუყვა, იმან კი შემზარავი ფაქტი ბებიასთან გაამხილა, რის შემდეგაც ამ უკანასკნელმა სამართალდამცველებს შეატყობინა:

„რამდენჯერ მივედი სკოლის დირექტორის კართან, რომ ეგ ამბავი გამემხილა, მაგრამ ვერ გავბედეო, ბავშვს უთქვია... მერე მოუყოლია თავის მეგობარ გოგოსთან, სკოლაში, გაუმხელია, იმას უთქვამს ბებიამისისთვის და ბებიამ გახსნა ეგ საქმე... ემუქრებოდა თურმე, ჯერ ძმას მოგიკლავო, მერე ბებიასო, მერე დედაშენს მოვკლავ და ბოლოს შენ მოგკლავო...“, - ჰყვება „იმედთან“ დაზარალებულის ბებია.

დანაშაულში ეჭვმიტანილი დაკავებულია.