
საქართველოს ყოფილი პრემიერმინისტრის ვანო მერაბიშვილის ციხიდან უკანანონოდ გაყვანისა და თბილისის მერის გიგი უგულავასთვის უფლებამოსილების შეჩერებასთან დაკავშირებით ევროსაბჭოს მომხსენებელი პიტერ ომთზიგთი შეშფოთებას გამოთქვამს:
"განსაკუთრებით შეშფოთებული ვარ, ყოფილი პრემიერის შესაძლო გატაცების შესახებ გამოთქმული ბრალდების გამო, რომელიც სხვა გახმაურებულ საქმეებზე მის დაკითხვას ისახავდა მიზნად.
ამ მხრივ, სამწუხაროა, რომ შესაბამისი ვიდეო, რომელსაც აღნიშნული ბრალდების დამტკიცება ან უარყოფა შეეძლო, წაიშალა. საჭიროა, ამ საქმის სრული გამოძიება.
გარდა ამისა, შეწუხებული ვარ არჩეული მერისთვის უფლებამოსილების შეწყვეტის გამო, სასამართლო მსჯელობის გარეშე. ხელისუფლების ყურადღება მინდა მივაპყრო ევროსაბჭოს რეზოლუციას, რომელიც ევროპული სტანდარტების დაცვას გულისხმობს.
ეს საკითხები ევროპის საბჭოს საპარლამენტო ასამბლეის თანამომხსენებლებთან მაიკლ იენსენთან და ბორის ცილევიჩთან განვიხილე და ინფორმაციაც მათგან მივიღე.
ხელისუფლების ყურადღება მინდა მივაპყრო ევროსაბჭოს რეზოლუციას, რომელიც ევროპული სტანდარტების დაცვას გულისხმობს", - აცხადებს ევროსაბჭოს თანამომხსენებელი.