2014-01-31 19:15

65 000 ლარიანი ჯარიმა დაეკისრა ნინო ბურჯანაძის პარტიას ,,დემოკრატიული მოძრაობა - ერთიანი საქართველოსთვის“. ჯარიმის გადახდა პოლიტიკოსს საპრეზიდენტო არჩევნების საარჩევნო კამპანიის დარღვევებით წარმოების გამო მოუწევს.

როგორც პარტიაში აცხადებენ, ეს უსამართლო გადაწყვეტილებაა და უახლოეს მომავალში გაასაჩივრებენ:

"დემოკრატიულ მოძრაობას გამოუტანმეს უკანონო გადაწყვეტილება და დააჯარიმეს 65 ათასი ლარით. მათ გამოიტანეს ისეტივე უკანონო გადაწყვეტილება, როგორც საპარლამენტო არჩევნებამდე საკუთარ თავზე იწვნიეს, როცა ქართული ოცნება დააჯარიმეს 80 ათასი ლარით. "დემოკრატიული მოძრაობა“ გაასაჩივრებს და მიაღწევს სამართლიანობას.“- აცხადებენ პარტიაში.

პოლიტიკური პარტიების ფინანსური საქმიანობის მონიტორინგის სამსახური საპრეზიდენტო არჩევნებში მონაწილე რამდენიმე სუბიექტის დაჯარიმებას 17 იანვრიდან ითხოვს.