2014-12-23 22:18

ყოფილი, ედუარდ შევარდნაძის დროინდელი გენერალური პროკურორი ერთერთია იმ ექსპერტებიდან, რომლებიც პროკურატურის შესახებ კანონის სრულყოფაზე მუშაობენ. იუსტიციის მინისტრი მიიჩნევს, რომ კანონი სრულყოფილი არ არის.

რეფორმის საკუთარი კონცეფცია უკვე აქვს ყოფილ მთავარი პროკურორს. არჩილ კბილაშვილის არასამთავრობო იყო ერთერთი ორგანიზაცია, ვისაც პრემიერმა პროკურატურის გარდაქმნაში დახმარება სხთოვა.

კბილაშვილის პროექტით, რეფორმა მთავარი პროკურორის დანიშვნისა და გათავისუფლების წესის ცვლილებით უნდა დაიწყოს. მას მიაჩნია, რომ კანონით ამ უფლების მხოლოდ პრემიერისთვის მინიჭება სტანდარტებთან შეუსაბამოა.

არჩილ კბილაშვილთან ერთად პროკურატურის რეფორმის პროექტზე ექსპერტთა ჯგუფმა იმუშავა, რომელთა შორის უწყების ყოფილი მაღალი თანამდებობის პირები არიან, მათ შორის, როგორც ზემოთ აღინიშნა ანზორ ბალუაშვილი და თბილისის ყოფილი პროკურორი მაია მწარიაშვილი.