2014-12-15 17:24

ფსიქოლოგი და ტელეწამყვანი გია ჯაჯანიძე  თავისი უცნაური ჩაცმულობის გამო მუდამ ყურადღების ცენტრშია.

„ნებისმიერი სატელევიზიო შოუსთვის, სადაც მეპატიჟებიან, სპეციალურად ვიკერავ ტანისამოსს.

სახლიდან ყოველთვის ჩაცმული გამოვდივარ და უხერხულობას ვგრძნობ სახლიდან მანქანამდე გასასვლელ გზაზე.

ზოგჯერ ხელიც ამიფარებია სახეზე, თითქოს ისე ვერ მიცნობდნენ. ამ დროს სირაქლემას პოზიციაში ვარ, მგონია ვერ მხედავენ, სინამდვილეში ყველა მცნობს - ასე გიჟივით ჩაცმული მარტო ჯაჯანიძე დადის. ერთხელ მქონდა ასეთი შემთხვევა.

15 წლის ვიყავი, ერთი გოგო მიყვარდა. ვუთხარი, მომწონხარ-მეთქი და გაოცებულმა შემომხედა, შენ ბიჭი ხარო? ისეთი ლამაზი ვიყავი, ვერ გაერკვა ბავშვი. ძალიან ვინერვიულე, ვტიროდი, რატომ ვარ ასეთი ლამაზი-მეთქი.

თუ გინდა კაცი გააფუჭო, სამი რამ უნდა დააბრალო: რომ არის გეი, ნარკომანი ან ჩამშვები.

იცი როდის დავმშვიდდი? როცა მივხვდი, რომ ყოველი დღე წარმატებული მაქვს. ეს ვერ მაპატიეს.

ჩემზე ამბობენ, სოფლიდან ჩამოთრეულია, ყველას ეტენებაო. დიახ, ვეტენები, გამომდის და რა გინდა?!

აფერისტი ვარ თურმე, მკითხავი, ჯადოებს ვხარშავ. ოღონდ, ვინც მლანძღავს, არავინ მიცნობს პირადად.

ასე რომ მკიდია, როცა ჩემზე ამბობენ, ნეტავ ეს ქალია თუ კაციო“, - აცხადებს ჯაჯანიძე.

„რეიტინგი“