2014-12-15 13:41

გეგუთის სასახლე წყალტუბოს რაიონში მდებარეობს, ისტორიული ძეგლია და კულტურის დაცვის ეროვნული სააგენტო იცავს.

აქედან გამომდინარე, გეგუთის ციხეში ცეცხლის დანთება იკრძალება.

ვანდალურ აქტს  „ქუთაისი თუდეის“ გადამღები ჯუფი შეესწრო.

კითხვაზე, თუ რატომ დაანთეს კოცონი, სტუდენტებმა უპასუხეს, რომ ფილმს იღებენ და საკითხი ერთ-ერთ უწყებასთან შეათანხმეს.

ქართველმა ჟურნალისტებმა დანაგვიანებული ადგილებიც დააფიქსირეს.

„ფოტოებში კარგად ჩანს ანტისანიტარიად ქცეული გეგუთის ციხე. როდესაც დანთებულ კოცონს ვუღებდით, ჩვენთვის უცნობი პირი მოვიდა, (როგორც მოგვიანებით გავარკვიეთ, იგი საჯარო მოხელეა) და პრეტენზია გამოთქვა, რომ არ ხდება ღამით გეგუთის ციხის განათება. ის ნივის მარკის მანქანით იმყოფებოდა,“ - ამბობენ „ქუთაისი თუდეის“ ჟურნალისტები.

„ქუთაისი თუდეი“ საქართველოს კულტურის დაცვის ეროვნული სააგენტოს საზოგადოებასთან ურთიერთობის სამსახურის უფროსს ნათია მურაჩაშვილს დაუკავშირდა.

მისი თქმით, გეგუთის ციხეში კოცონის დანთება არ შეიძლება.

„გეგუთის ციხეს კულტურის დაცვის ეროვნული სააგენტო იცავს. ძალიან ცუდი რამ მითხარით, ინფორმაციას ქუთაისის მუზეუმის დირექტორს გადავცემთ,“-აღნიშნა ნათია მურაჩაშვილმა.

http://kutaisitoday.com/