2014-12-08 13:54

მალე დაიწყება ტელესერიალი, რომელზეც ყველა ალაპარაკდება. ამაში იდეის ავტორი ლევან კვარაცხელია, იგივე "კვარა" და პროდიუსერი მიხო დიასამიძე დარწმუნებული არიან. სერიალზე სხვა მედიასაშუალებებიც წერენ, მაგალითად, "მედიამალი".

გამოცემა წერს, რომ "სულ მალე თბილისი ახმაურდება. მოხდება ის, რაზეც მთელი საქართველო ისაუბრებს. სერიალი, რომლის იდეაც ლევან კვარაცხელიას ეკუთვნის და რომლის სახელია "რა პატარაა თბილისი" უამრავ სიურპრიზს გვპირდება.

სერიალში ბევრი ცნობილი სახე იღებს მონაწილეობას და ეს იქნება სერიალი, რომელიც ზუსტად ასახავს დღევანდელობას", - წერს გამოცემა სერიალის დაანონსებისას.

შეგახსენებთ, რომ ლევან კვარაცხელია ტვ "აფხაზეთის ხმაზე" იუმორისტული გადაცემის "კრემისფერი პლანშეტის" ავტორი და წამყვანია.