2014-12-02 04:12

ტვ "კვირის პალიტრის" არქივშია სიუჟეტი, სადაც ბამბის რიგის ქუჩაზე მდებარე ცნობილი რესტორნის Two Side-ის მიერ სახელის შეცვლაზე ("მოსკოვი"), რუსული ესტრადის მოთხოვნილების ზდრაზე და დამსაქმებელთაგან რუსული ცოდნის მოთხოვნაზეა აქცენტი გაკეთებული.

სიუჟეტში ნათქვამია, რომ ის, რაც წარმოუდგენელი იყო 2012 წლის არჩევნებამდე, არჩევნებიდან ცოტა ხანში რეალობა გახდა. Two Side, რომელსაც ახლა კლუბი "მოსკოვი" ჰქვია, რესტორანი "კრწანისი", სხვა დიდი თუ პატარა რესტორნები თბილისში ის ადგილებია, სადაც, მენეჯერთა თქმით, "რუსულ ესტრადას მონატრებულები" კატეგორიულად ითხოვენ სიმღერების შესრულებას რუსულად:

"ჩვენთან რუსული სიმღერების გარეშე დღე არ ჩაივლის. განსაკუთრებით, როცა უკვე ნასვამები არიან, ყველა კატეგორიულად ითხოვს რუსულ სიმღერებს და ეს არაა გასაკვირი, რადგან რუსული ესტრადა პოპულარულია მთელ მსოფლიოში". 

"სახელის შეცვლას არანაირი უარყოფითი გამოხმაურება არ მოჰყოლია, უფრო პირიქით", - ამბობს "მოსკოვის", ანუ, ყოფილი Two Side-ის ივენთ-მენეჯერი, - "უფრო პირიქით, რადგან ქართველი და რუსი ხალხი ყოველთვის ახლოს იდგნენ ერთმანეთთან, კულტურული ურთიერთობებითაც...  მოგეხსენებათ, ეროპაში მოსკოვი ყველაზე საკლუბო ქალაქად ითვლება".

ენების შემსწავლელი ცენტრის ხელმძღვანელი სიუჟეტში ამბობს, რომ რუსულის სწავლის მსურველთა რაოდენობა გაიზარდა:

"განსაკუთრებით არჩევნების შემდეგ უამრავი ადამიანი მოდის რუსულის სწავლის  სურვლით და, რაც მთავარია, ამბობენ, რომ რუსულის ცოდნას დამსაქმებლები ითხოვენ. ამ ეტაპზე რუსულის შემსწავლელ ჯგუფებში გვყავს 100-დე ადამიანი, ხოლო ინგლისურის შემსწავლელებში - მხოლოდ ათი..."