"აფხაზეთის ხმის" გამგეობის თავმჯდომარე გიორგი კორახაშვილი განცხადებას ავრცელებს და თანადგომას უცხადებს სამაუწყებლო კომპანია "რუსთავი-2"-ის კოლექტივსა და დამფუძნებლებს. გიორგი კორახაშვილი წერს, რომ თავისუფალი მედიის ამოძირკვის მცდელობა ვერ უშველის იმ პრობლემებს, რაც ხელისუფლებას აქვს.
მომღერალი, რადიო „დარდიმანდის“ დირექტორი ნინო ჩხეიძე „რუსთავი-2“-თან მიმართებაში განვითარებულ მოვლენებს ეხმიანება და სამაუწყებლო კომპანიას მხარდაჭერას უცხადებს.
"რუსთავი-2"-ის გენერალური დირექტორი ნიკა გვარამია ქიბარ ხალვაშის მიერ სამაუწყებლო კომპანიასთან დაკავშირებული დავის სასამართლო სივრცეში გადატანას ეხმიანება და სპეციალურ განცხადებას აქვეყნებს:
სამაუწყებლო კომპანია "რუსთავი-2"-ის გენერალური დირექტორი ნიკა გვარამია აცხადებს, რომ სამ აგვისტოს ფოთში, 4 აგვისტოს კი ბათუმში კონცერტებს აუცილებლად ჩაატარებენ და ამისთვის არანაირი ნებართვა არ სჭირდებათ. ამასთან, ნიკა გვარამია აცხადებს, რომ მათი მიზანი არაა პოლიტიკური შინაარსის და ხელისუფლებას მოუწოდებს, კონცერტის ჩატარებას ხელი არ შეუშალონ.
სასულიერო პირი მღვდელი ილია ვაშაკიძე მედიკამენტების ფასების ზრდასთან დაკავშირებით "ფეისბუქზე" რამდენიმე კითხვას სვამს იმ სასულიერო პირების მიმართ, რომლებიც ამჟამინდელ მმართველ პოლიტიკურ ძალას აშკარად უჭერდნენ მხარს.
"რუსთავი-2"-ის გენერალური დირექტორი ნიკა გვარამია ჟურნალისტ ნინო შუბლაძის ჯანდაცვის სამინისტროში დასაქმებით გამოწვეულ არაერთგვაროვან რეაქციას ეხმიანება და მეგობრებსა და არამეგობრებს "ორივე პოლიტიკური ბანაკიდან" სთხოვს, შეურაცხყოფას მოეშვან.
საქართველოს ფეხბურთის ფედერაციის პრეზიდენტი ზვიად სიჭინავა აცხადებს, რომ სამი უდიდესი სკოლა აქვს გავლილი და მისი შეშინება გაუჭირდებათ. "უდიდეს სკოლებს" შორის მან ზუგდიდის მე-4 საშუალო სკოლა, ავღანეთი და 1990-იანების მოსკოვი დაასახელა.
პოეტი რეზო ამაშუკელი იხსენებს, როგორი გაუფასურებული იყო სარწმუნოება საბჭოთა ეპოქაში და რა გავლენას ახდენდა ეს მასებზე, ახლა კი ყველაფერი შეიცვალა.
თავდაცვის მინისტრი თინა ხიდაშელი აცხადებს, რომ თუ საქართველოს შეიარაღებული ძალების ყოფილი სამხედრო მოსამსახურე უკრაინაში დაიღუპა, ის თავისუფლებისთვის მებრძოლია და აუცილებლად სამხედრო პატივით უნდა დაიკრძალოს. ამასთან, ხიდაშელი ხაზს უსვამს, რომ ეს ეხება ყოფილ მეომრებს და არა მოქალაქეებს, რომლებიც უკრაინაში იბრძვიან.
"პატრიოტთა ალიანსის" ერთერთი ლიდერი და მედიაკავშირ "ობიექტივის" დამფუძნებელი ირმა ინაშვილი "განსხვავებული აქცენტების" 19 ივლისის გადაცემას ეხმიანება, სადაც "ობიექტივი" ერთერთ მარგინალურ, პრორუსული განწყობის პროპაგანდისტ და ხელისუფლებისგან დაფინანსებულ მედიასაშუალებად დასახელდა.