ირაკლი ალასანიამ ყოფილ პრემიერ-მინისტრს მოუწოდა სააჯარო განცხადებების გაკეთებისგან თავი შეიკავოს, რადგან პირისპირ შეხვედრაზე მათ ერთმანეთის მოსაზრებები უკვე მოისმინეს.
უკრაინაში სახალხო ფრონტის ლიდერი ანტონ გერაშენკო, ქვეყნის შს მინისტრის მოადგილედ ეკა ზღულაძის დანიშვნის საკითხს ეხმაურება და წერს, რომ მთელი დღის განმავლობაში თავხედური სიცრუე ესმის იმის შესახებ, თითქოს ზღულაძის დანიშვნაზე მის მოადგილედ არსენ ავაკოვმა თქვა უარი.
ყოფილი პრემიერი, მილიარდერი, არასამთავრობო ორგანიზაცია "მოქალაქის" დამფუძნებელი ბიძინა ივანიშვილი აცხადებს, რომ დოლარი მთელ მსოფლიოში გამყარდა და ამაში არაფერია საგანგაშო. ასე ეხმაურება იგი ლარის გაუფასურების ტენდენციას.
ნატოს გენერალური მდივნის სპეციალური წარმომადგენლის ჯეიმს აპატურაის განცხადებით, საქართველოსთვის ნატოსკენ სავალ გზაზე, შესაძლოა, ბარიერი აღმოჩნდეს, თუკი ნატოს წევრი ქვეყნების დედაქალაქებში ფეხს მოიკიდებს პოლიტიკური დევნის არსებობის აღქმა.
ნატოს სპეციალური წარმომადგენელი სამხრეთ კავკასიაში თბილისშია. ჯეიმს აპატურაი ვიზიტის ფარგლებში პირველ შეხვედრას თავდაცვის სამინისტროში გამართავს.
საპარლამენტო უმრავლესობის ლიდერი დავით საგანელიძე აცხადებს, რომ დოლარი ყველგან გამყარდა და საქართველოშიც ეს პროცესი მიმდინარეობს, რაც საგანგაშო არ არის.
უკრაინის პრეზიდენტის პეტრო პოროშენკოს გადაწყვეტილებით, ის უცხოელები, რომლებიც იარაღით ხელში იცავდნენ უკრაინის დამოუკიდებლობასა და ერთიანობას, ქვეყნის მოქალაქეობას მიიღებენ.
საქართველოს ყოფილი ჯანდაცვის მინისტრი, თსუ ყოფილი რექტორი ალექსანდრე კვიტაშვილი ამაყობს, რომ უკრაინის მოქალაქე გახდა. ამის შესახებ კვიტაშვილმა რადაში გამოსვლისას აღნიშნა, სადაც მინისტრობის კანდიდატები გამოდიოდნენ სიტყვით.
საქართველოს პრეზიდენტის ყოფილი მრჩეველი ვანო მაჭავარიანი ამბობს, რომ კონსტიტუციით პრეზიდენტის მიმართ მინიჭებულ უფლებებზე უმრავლესობის რეაგირება არაადეკვატურია.
თბილისში დღეს დილით ჩამოსული ევროპის საბჭოს საპარლამენტო ასამბლეის მონიტორინგის კომიტეტის წევრები მთავრობის წარმომადგენლების გარდა, "ნაციონალური მოძრაობის", "თავისუფალი დემოკრატების" წარმომადგენლებსაც შეხვდებიან და გლდანის ციხეშიც შევლენ.