ბრაზილიური საფეხბურთო კლუბ ,,ინტერნაციონალის“ ფეხბურთელმა მაურიდესმა ბრაზილიის ჩემპიონატზე თამაშისას ,,ამერიკა მინეიროსთან“ გატანილი გოლისას მუხლის ტრამვა მიიღო.
მაურიდესმა გოლის გატანის შემდეგ ზეიმისას ჰაერში ნახტომი შეასრულა , რის შემდეგაც მინდორზე უხერხულად დაეცა და მუხლი დაიზიანა.
ამ მატჩში 19 წლის მაურიდესი შეცვლაზე შემოვიდა, მან დიეგო ფორლანი შეცვალა. 88-ე წუთზე მაურიდესმა თავით გოლი გაიტანა. ეს გოლი, რომელიც გახდა ტრამვის მიზეზი, პირველი იყო მის კარიერაში.