ჩემპიონთა ლიგის 1/4 ფინალში აიაქსმა იუვენტუსს უმასპინძლა, შეხვედრა ფრედ 1:1 დასრულდა.
თამაში ტურინელთა უპირატესობით დაიწყო, თუმცა ალეგრის შეგირდებს რაიმე განსაკუთრებული არ შეუქმნიათ. ანგარიში 45-ე წუთზე იტალიელებმა გახსნეს. მარჯვენა ფლანგიდან ჟოაო კანსელოს ჩაწოდების შემდეგ კრიშტიანუ რონალდუმ თავურით ამსტერდამელთა კარი აიღო.
მეორე ტაიმი რამდენიმე წამის დაწყებული იყო, როცა ამსტერდამელებმა ანგარიში გაათანაბრეს. დევიდ ნერეშმა ერთერთ მცველს ბურთი აართვა, რამდენიმე მეტოქე მოატყუა და მშვენიერი გოლი გაიტანა.
დარჩენილ დროში აიაქსმა რამდენიმე სახიფათო მომენტი შექმნა და შჩესნის ოსტატობა რომ არა, პოლონელს კიდევ მოუწევდა ბურთის კარიდან გამოტანა. აღსანიშნავია დუგლას კოშტას ეპიზოდიც, რომელსაც გოლამდე სულ ცოტა დააკლდა.
მატჩი საბოლოოდ 1:1 მორჩა და როგორც მოსალოდნელი იყო შემდეგ ეტაპზე გამსვლელის ბედი ტურინში გადაწყდება. შეგახსენებთ, რომ ამ გუნდებს შორის მეორე მატჩი 16 აპრილს იტალიაში გაიმართება.